Windows 8

Windows 8 ye una versión de Microsoft Windows, llinia de sistemes operativos desenvuelta por Microsoft pal so usu n'ordenadores personales, incluyíes ordenadores d'escritoriu en casa y de negocios, ordenadores portátiles, netbooks, tabletas, servidores y centro multimedia. El principal cambéu ye la polémica decisión d'esaniciar Menú Empecipio, esistente dende Windows 95 como estándar de facto en cómo presentar aplicaciones en interfaces gráfiques. El 2 d'abril de 2014, Microsoft reconoció l'error de la eliminación del menú d'entamu y anunció que lo volveríen a implementar na siguiente versión de Windows, el cual llegó en 2015. Añade soporte pa microprocesadores ARM, amás de los microprocesadores tradicionales x86 d'Intel y AMD. El so interfaz d'usuariu foi modificada pa faela más fayadiza pal so usu con pantalles táctiles, amás de los tradicionales mur y tecláu. L'efeutu Aero Glass del so predecesor Windows 7 nun ta presente nesti sistema operativu, siendo reemplazáu por nuevu efeutos planos pa ventanes y botones con un color simple. El 29 de xunetu de 2015, Microsoft presentó'l so socesor, Windows 10, empobináu a integrar d'una meyor forma'l sistema operativu en tolos dispositivos, dende ordenadores, tabletas y hasta teléfonos intelixentes, destacando'l regresu d'unu de los sos elementos más carauterísticos, el desapaecíu Menú Empecipio.